all

О преподобная и преблаженная мати Анно! Смиренно припадающе к раце честных мощей твоих, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно!  Не забуди присещати чад твоих: аще бо телом и преставилася еси от нас, но и по смерти жива пребываеши, и не отступаеши от нас духом, сохраняюще нас от стрел вражиих, всякия прелести бесовския и козней диавольских.

О святая угоднице Божия, преподобная мати Мелание! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою.

О, прекрасная невесто Христова, чистая голубице, позлащенная Духом Святым, девственная похвало и пустынножительная собеседнице Ангелов, насадившая на земли мысленный рай твоими добродетелями, преподобная мати Параскево! Что принесем тебе достойнаго в дар, кроме смиренных и грешных молений наших, яже приимшы, очистя я святыми твоими молитвами и принеси к жениху твоему, Христу Богу нашему! Ублажаем тя, красото Сербскаго народа и наша заступнице и хранительнице, еюже хвалятся царие и князи.

О священная главо, преподобне отче, преблаженне авво (имярек), не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана

О, пречестная и священная главо, отче преблаженне авво Аврамие! Не забуди нищих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати нас, чад своих.

О преподобне отче наш Аврамие! Не забуди нас, но поминай всегда во святых твоих и богоприятных молитвах стадо твое, еже сам собрал еси, и моли за ны, чада твоя, отче священный, яко имеяй дерзновение ко Господу; не мним бо тя мертва суща, аще и преставился еси от нас, пастырю наш добрый. Се мощи твоя святыя пред очима нашима, святая же твоя душа, со ангельскими безплотных лики Престолу всех Царя предстоящи, достойно веселится.

О всеблаженне Агапите, земный Ангеле и небесный человече!

О священная главо, преподобне от­че, преблаженне авво Андрее!

О пастырю добрый, учителю и наставниче наш, и святыя сея обители Дымския начальниче, преподобный отче Антоние! Молим тя усердно. Ты, яко имея дерзновение ко Владыце Христу и ко Пречистей Его Матери, буди о нас недостойных, живущих во святей твоей обители сей, и о всех, иже отвсюду с верою притекающих к раце мощей твоих, ходатай и молитвенник теплый, заступая нас от всяких бед и напастей, да твоими молитвами и предстательством пребудем невредими от врагов наших видимых и невидимых.

О добрый наш пастырю и наставниче, приснопоминаемый иноков русских первоначалъниче, преподобне и богоносне отче наш Антоние! Ты горе на небеси, мы низу на земли, удаленнии от тебе не толико местом, колико греховною нечистотою нашею, обаче памятуя отеческую любовь твою к людем ти сродным, припадаем и молим ти ся со умиле­нием и верою: помози нам грешным, покаянием очиститися, и достойными быти помилования и прощения от Гос­пода и Создателя нашего.

О, священная главо, земный Ангеле, небесный человече, безмолвия рачителю, молчания любителю, преподобне и богоносне отче наш Арсение, припадаем ти и молимся: помолися ко Господу, Богу и Спасу нашему Иисусу Христу, да дарует нам, грешным и недостойным рабам Своим, вся ко спасению душевному благопотребныя дары Своя: веру праву, надежду благу, любовь нелицемерну, блаточестие непоко-лебимое, любомудрие Христопоследовательное, и вся добродетели, во святем Евангелии Им заповеданныя: да будем подраж

О священная главо, преподобне отче, и преблаженный авво Арсение Великий! Не забуди нищих своих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих: моли за ны, отче священный, за дети твоя духовныя, яко имеяй дерзновение к Небесному Царю. Не премолчи за ны ко Господу и не презри нас, верою и любовию чтущих.

О преподобне отче наш Арсение, зрителю неизреченныя славы в Небеснем Царствии. Не остави обитель твою, в нейже труды и подвиги о Христе подъял еси, но сохрани ю в мире и тишине, да пребудет незыблема от ухищрений врагов видимых и невидимых. Укрепи в доброделании чад твоих, их же собрал еси, мудре, во обитель твою, да познают звание свое, да будут достойни попечения о них Богоматере. Посети с высоты небесныя всех, верно прите­кающих к тебе животворною твоею молитвою. Плавающих на мори управи.

Преподобне отче Афанасие, изряд­ный угодниче Христов и великий Афонский чудотворче, во дни земнаго жития твоего многия на путь правый наставивый и во царствие Небесное мудре руководивый, скорбныя утешивый, подающым руку помощи подавый и всем любезен, милостив и сострадален отец бывый! Ты и ныне, в небесней пребывая светлости, наипаче умножаеши любовь твою к нам немощным, в мори житейстем различие бедствующым, искуша­емым духом злобы и страстьми, воюющими на дух.

О священная главо, преподобне от­че, преблаженне авво Ахило!

О преподобне отче наш, Варлааме! Яко имеяй дерзновение ко Господу, помяни нас, раб Божиих (имена), в молитвах твоих и всех нас моления, Богу возсылаемая, приими и То­му принеси ходатайственне.

О священная главо, преподобне от­че, преблаженне авво Василие!

О, преподобне и богоносне отче наш Гаврииле, угодниче Христов, теплый о нас молитвенниче и скорый помощниче! Се ныне мы, грешнии и недостойнии, с благоговением притекающе к раце мощей твоих, усердно молим тя: яко имеяй дерз­новение ко Христу Богу, потщися богоприятным твоим ходатайством испросити у Господа сил, яко да пробавит великия и богатыя милости Своя на нас грешных, да подаст нам дух правыя веры, дух ведения и любве, дух мира и радости о Дусе Святе.

О преподобне отче Германе, новоявленный угодниче, Аляски просветителю! Молим тя: ходатайствуй нас, грешных рабех Божиих (имена), пред престолом Вседержителя Бога, да дарует нам вся потребная животу и благочестию, душам и телесем нашим здравие, во всех благих преспеяние и Свою всесильную помощь во всяких искушениях, бедах же и напастех, воздвизаемых на ны от врага спасения нашего.

О преподобне и богоносне отче наш Германе, безмолвнаго иноческаго жития во острове Соловецтем первоначальниче!

О преподобне и богоносне отче Гурие! Услыши нас, к тебе усердно молящихся. Молися о нас, раб Божиих (имена), да избавимся от всяких скорбей, болезней, бед и обстояний и благочестно поживем в настоящем житии, ходяще в заповедех и оправданиих Господних безпорочно.

О преподобне и богоносне отче наш Данииле, всесмиренно к тебе припадаем и тебе молимся: не отступай от нас духом твоим, но всегда поминай нас во святых и благоприятных молитвах твоих ко Господу нашему Иисусу Христу: молися ему, да не потопит нас бездна греховная, и да не будем врагом, ненавидящим нас, в радование: да простит Христос Бог наш твоим предстательством за нас вся согрешения наша, и Своею благодатию водворит среди нас единодушие и любовь, и избавит нас от козней и наветов диавольски

О преподобне и богоносне отче наш Данииле, ублажаем велия подвиги жития твоего, — скорби лютыя, болезни, искушения, им же победоносец предивный показался еси. Величаем дарования благодати Господней, тобою многочестне и многообразне явленныя болящим и скорбящим, грешным и заблудшим во спасение их. Поминаем тебе наставника премудраго, иже глагола людем словеса учительная от слова Господня, души умиляющия и умы и сердца к Богу обращающия.

О священная главо, преподобне отче, преблаженне авво Иоанне!

О священная главо, преподобне от­че, преблаженне авво Иоанне!

О великий угодниче, преславный чудотворче, Кирилле блаженне! Душею на небеси престолу Божию предстояй и Троичныя славы наслаждаяйся, телом же на земли в Божествественном храме сем почиваяй и от него данною ти свыше благодатию различная источаяй чудеса: призри милостивым оком на предстоящия  честней твоей ризе люди и просящия сильныя твоея помощи. Ты убо, яко стяжавый дерзновение, испроси Церкви благостояние, воздуха благорастворение, земли плодоносие.

О блаженне отче Лукиане, светильниче веры, добродетелей истинный учителю, труждающихся и обремененных святым образ, в терпении столпе крепкий, во благочестии река неистощимая, страсти плотския удобь до конца мужески попра, бесовския вся козни доблественне победи, Ангелом присный собеседниче, яко безплотен на земли пожил еси.

О преподобне отче Макарие! Молим тя мы, недостойные, испроси предстательством твоим у Всемилостиваго Бога нашего нам здравие душевное и телесное, тихое и богоугодное житие и добрый ответ на Страшнем Суде Христове. Угаси молитвами твоими разжженые на рабов Божиих (имена) стрелы диавольския, да не прикоснется нам злоба греховная, да благочестно скончавше времен­ное житие, сподобимся наследовати Царствие Небесное и купно с тобою славити Отца и Сына и Святаго Духа во веки веков.

О священная главо, преподобне отче, преблаженне авво Макарие! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю. Не промолчи за ны ко Господу, и не презри нас, верою и любовию чтущих тя.

О богоблаженне и преподобне отче Мартиниане! Испроси наших согрешений проще­ние, отжени от нас, раб Божиих (имена), об­лак страстей, просвети наши душевныя очи, и гугнивый язык исправи, смысл очисти и ра­зум освяти.

О преподобне и преблаженне отче наш Михаиле, ты возжелав усердно шествовати во след Господа нашего Иисуса Христа, вся плотская мудрования отринул еси: ты отечество свое, род и временное благородство и земнаго царствия наследие оставив, монашества и юродства путь ко спасению и к наследию Царствия Небеснаго предъизбрал еси: пришед же дивне во обитель сию Пресвятыя Троицы, в ней трудолюбно и богоугодно подвизаяся, по премногу ко устроению ея споспешествовал еси: и от всех бед, от глада, вражияго

О добрый наш пастырю и богомудрый наставниче, преподобне отче Павле! услыши нас грешных, моля­щихся тебе и призывающих в помощь скорое предстательство твое: виждь нас грешных, в толицех обстояниих сущих, виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховном плену быти, да не будем в радость врагом нашим и не умрем в лукавых деяниях наших.

О священная главо, преподобне отче, преблаженне авво Паисие великий! Не забуди нищих своих до конца, но поминай нас всегда во свя­тых своих и благоприятных молитвах к Богу.

О святый преподобномучениче Корнилие! Смиренно припадаем к раце мощей твоих и умильно молим тя: милостиво призри на скорби наша душевныя и телесныя и избаву нам подаждь; помози нам, святче Божий, от навета злых человек, от нихже и сам ты невинно на земли пострадал еси.

Девственниц похвало и мучениц славо, Анастасие преподобная! К тебе во умилении сердец наших припадаем и твоего заступления у Господа о нас молим. Аще бо чистоте твоей не поревновахом и безбоязненнаго исповедания твоего не приобщихомся, паче же многими прегрешеньми и лютыми паденьми и отступствы гнев Божий привлекохом, но не хощем во гресех наших умрети и, на твоя мужеския подвиги взирающе, паки на одоление страстей наших ополчаемся.

Преподобнии и богоноснии отцы наши Антоние и Феодосие, к вам мы грешнии и смиреннии, яко к теплым заступником и скорым помощником и известным предстателем, усердно прибегаем, смиренно просяще вашея помощи и заступления в бездне зол и бед погружаемии, яже на всяк день и час нам и от человек лукавых приключаются и от духов злобы поднебесныя, всегда и везде и всякими образы погибели души и телес наших ищущих, находят на ны.

О преподобнии и всечестнии отцы, Вассиане и Ионо, угодницы Христовы блажении и чудотворцы преславнии! Постничеством Богу первее угодивше и делы благочестно на земли подвизавшеся, яко светила светлая по смерти в мире возсиявше, просвещающе верных чудес светлостию, вы заступницы теплии показастеся.

О раби Божии, схимонаше Кирилле и схи­монахине Марие! Внемлите смиренному мо­лению нашему. Аще бо временное житие ва­ше скончали есте, но духом от нас не отсту­паете, присно по заповедем Господним шествовати нас научающе и крест свой терпеливо носити нам пособствующе. Се бо вку­пе со преподобным и богоносным отцем на­шим Сергием. вашим возлюбленным сыном, дерзновение ко Христу Богу и ко Пречистей Его Матери стяжали есте.

Царице моя преблагая, надеждо моя Богородице, приятелище сирым и странным заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо Сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы раби, да не постыдимся.

Пресвятая Богородице, спаси нас!

О Всеблагая Заступнице рода христианского, Мати вся держащего десницею Своей Христа Бога нашего! Излей на ны милости и щедроты Его, и да не убоимся и не устрашимся враг видимых и невиди­мых, яко рекла еси уповающим на Тя: "Аз есмь с вами и никтоже на вы". Сохрани истинную святую Православную Церковь и обитель нашу от расколов и ересей и положи нача­ло покаяния народа нашего.

О Пресвятая Владычице моя Богородице, милосердия сущи источник, покрове, упование и прибежище христиан!

О Преблагословенная и Мно­гомилостивая Владычице мира! Се мы грешнии на святый образ Твой взирающе и на нем Тя в скорби и сострадании распятому за нас Христу Спасителю предстоящу видяще, усердно молим Тя известную о нас к Сыну Твоему молитвенницу: не остави нас в день испытания и скорби, но во искушениих и напастех нам бываемых огради нас всечестным покровом Твоим от враг видимых и невидимых и даждь нам силу, во еже всесовершен­ную и благую волю Творца и мира Владыки творити.

О, Пресвятая Владычице Богородице, небесе и земли Царице! Призри на ны, грешныя и недостойныя рабы Твоя, и умоли Сына Твоего Христа Бога нашего, да оградит ны свыше силою Своею, еже навсегда сохраненым быти от всех искушений вражиих и прелестей бесовских.

О, Пресвятая Владычице Дево Богороди­це, спаси и сохрани под кровом Твоим моих чад (имена), всех отроков, отроковиц и мла­денцев, крещеных и безымянных, и во чреве матери носимых. Укрой их ризою Твоего Материнства, соблюди их в страхе Божием и послушании родителям, умоли Господа моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божествен­ный покров рабам Твоим.

Пресвятая Богородице, спаси нас! Мати Божия, помоще и защито! Егда по­требуем, буди Избавлением нам, стражду­щим и погибающим от лютых бед, на Тя бо уповаем и всегда вседушно Тебе призыва­ем умилосердися и помози, пожалей и избави от бед страждущих и погибающих нас, от лютых сетей лукаваго исхити, приклони ухо Твое, и наши слезные, скорбные молит­вы приими и, якоже хощеши, упокой и об­радуй нас.

Что ти речем, Царице наша и Вла­дычице. помышления проницающая и всю нашу жизнь во мгновение ока ози­рающая? Что можем мы грешнии и нечистии поведати своими скверными ус­тами Тебе Пречистей и Пренепорочней? Не имамы словес по достоянию воспети Твое величие у Престола Творца всея вселенныя. Не имамы силы исчести вся дела Твоя милосердныя, человеков ради соделанныя. Предстоим Тебе трепещу­щие и плачущие о всей греховной жиз­ни нашей помышляюще.

Благодарю Тебя, Господь и Бог мой, за все совершившееся надо мною! Благодарю Тебя за все скорби и искушения, которые посылал Ты мне для очищения оскверненных грехами, для исцеления изъязвленных грехами, моих души и тела! Помилуй и спаси те орудия, которые Ты употреблял для моего врачевания: тех людей, которые наносили мне оскорбления. Благослови их в этом и будущем веке! Вмени им в добродетели то, что они делали для меня! Назначь им из вечных Твоих сокровищ обильныя награды.

Господи Боже наш, во спасительном Твоем смотрении, сподобивый в Кане Галилейстей честный показати брак Твоим пришествием, ныне рабы Твоя (имярек) яже благоволил еси сочетатися друг другу в мире и единомыслии сохрани: честный их брак покажи, нескверное их ложе соблюди, непорочное их сожительство пребывати благослови и сподоби я к старости маститей достигнути, чистым сердцем делающе заповеди Твоя.

Видео молитвы:
Embedded thumbnail for Молитва при бракосочетании (при вступлении в брак)

Страницы