all

Преподобному Александру Свирскому
У благочестивых родителей Александра Свирского были дети мужского и женского пола. Затем их деторождение прекратилось. Они стали молить Бога, чтобы Он даровал им сына на утешение и поддержку их в старости лет. Плодом их молитв и был Александр Свирский. Затем после его смерти молились святому, чтобы иметь детей мужского пола, и молитвы верующих были исполнены.

О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жи­тельства твоего и чтем святую память твою.

О святая мученице царице Алек­сандре, о возлюбившая Господа от всего сердца твоего, и от всея души твоея, и всею крепостию твоею и всем помышлением твоим! Вемы, яко мла­денца тя сущу страданием венча Христос матери ти умершей: помолися о чадех наших, матерей лишенных, матерьми оставленных, матерьми убиен­ных. Вемы, яко Жениха ради Небеснаго готова была еси отвергнути же­ниха царственнаго: помолися об от­роковицах и отроцех наших, да не из­берут скотскую пишу, ценою души купованную.

О многострадальная и преславная Ирино, невесто Христова всехвальная, угоднице Божия! Ты предстоиши у Престола Пресвятыя Трои­цы и наслаждаешися неизреченнаго блаженства. Призри убо милостивно на нас, приносящих ти хвалебное пе­ние сие, испроси нам милость, отпу­щение грехов у Преблагаго Господа, вемы бо, воистинну вемы, яко вся, елико восхощеши, испросити у Него можеши.

О святая дево и великомученице Марино, истинная Жениха твоего Христа невесто, во граде Антиохии за веру Христову пострадавшая, сквозе огнь и воду прошедшая и в Царствии Небеснем водворившаяся! Ты от юности всею душею и всем сердцем возлюбила еси Христа, Бога нашего, Тому единому послужити желающи. Ты силою благочестия своего, целомудрием и праведностию просияла еси, поживши свято и непорочно посреде неверных.

Господи Боже наш, утверждаяй гром, и претворяяй молнию, и вся деяй ко спасению дел руку Твоею, призри Твоим человеколюбием, избави нас от всякия скорби, гнева и нужды, и настоящаго прещения: возгремел бо еси с небесе Господи, и молнию умножил еси, и смутил еси нас.

Тексты молитвенных прошений утверждены Святейшим Патриархом Московским и всея Руси Кириллом.

Молитва во время распространения вредоносного поветрия чтомая

Господи Боже наш, не вниди в суд с рабы Твоими, и огради нас от губительнаго поветрия на ны движимаго. Пощади нас смиренных и недостойных рабов Твоих в покаянии с теплою верою и сокрушением сердечным к Тебе милосердному и благопременительному Богу нашему припадающих и на милость Твою уповающих.

Видео молитвы:
Embedded thumbnail for Молитва во время коронавируса

Со умилением вся колена преклонше, Господу помолимся.
Господи помилуй (3 раза),
Опустившись на колена читать следующее:

Боже, Всеблагий и Всемилостивый, всех охраняяй Своею милостию и человеколюбием, смиренно молю Тя, предстательством Богородицы и всех святых, сохрани от внезапной смерти и всякой напасти мене, грешнаго, и вверенных мне человек и помози невредимых доставлять каждого по его потребе. Боже милостивый! Избави мене от злаго духа лихачества, нечистой силы пианства, вызывающих несчастия и внезапную смерть без покаяния.

Молитва великомученику Пантелеимону, святым Косме и Дамиану, святым мученикам Киру и Иоанну, священномученику Ермолаю, святому мученику Диомиду, святым мученикам Фотию и Аниките

Господи Иисусе Христе, Боже наш, Боже всякаго милосердия и щедрот, Его же милость безмерна, и человеколюбия неизследимая пучина: ко Твоему Величеству припадающе, со страхом и трепетом яко раби недостойнии благодарение Твоему благоутробию о Твоих благодеяниих на рабех Твоих бывших, ныне смиренно приносяще, яко Господа, Владыку, и Благодетеля славим, хвалим, поем и величаем, и припадающе паки благодарим, Твое безмерное и неизреченное милосердие смиренно моляще.

О, Всеблагий Господи, я знаю, что великое счастье мое зависит от того, чтобы я Тебя любила всею душою и всем сердцем моим и чтобы исполняла во всем святую волю Твою. Управляй же Сам, о Боже мой, душою моею и наполняй сердце мое: я хочу угождать Тебе одному, ибо Ты Создатель и Бог мой. Сохрани меня от гордости и самолюбия: разум, скромность и целомудрие пусть украшают меня. Праздность противна Тебе и порождает пороки, подай же мне охоту к трудолюбию и благослови труды мои.

Видео молитвы:
Embedded thumbnail for Молитва девицы о супружестве

Господи, обрати к Тебе сердца врагов наших и если уже невозможно ожесточенным обратиться, то положи преграду зла их и защити от них избранных Твоих.

Господи, сладчайшее брашно наше, никогдаже гиблющее, но пребывающее в живот вечный! Очисти раба Твоего (имярек) от скверны чревообъядения, чуждой Духа Твоего, и даруй ему познати сладость Твоего Животворящего духовного брашна, еже есть Плоть и Кровь Твоя и Святое живое и действенное Слово Твое.

(Сила сих молитв в утаении от слуха и взора людского, в тайнодействовании ея)

Яко неплодную смоковницу, не посецы мене, Спасе, грешнаго, но на многая лета пождание ми даруй, напаяя душу слезами покаяния, да плод принесу Ти, Многомилостиве. 

Возвеселихся о рекших мне: в дом Господень пойдем. Аз же множеством милости Твоея, Господи, вниду в дом Твой, поклонюся ко храму святому Твоему в страсе Твоем. Господи, настави мя правдою Твоею, враг моих ради исправи пред Тобою путь мой; да без преткновения прославлю Едино Божество, Отца и Сына и Святаго Духа, ныне и присно и во веки веков. Аминь.

Молитва всем святым и бесплотным небесным силам

Владыко Господи Иисусе Христе Боже мой, иже неизреченнаго ради Твоего человеколюбия на конец веков во плоть оболкийся от Приснодевы Марии, славлю о мне Твое спасительное промышление, раб Твой, Владыко; песнословлю Тя, яко Тебе ради Отца познах; благословлю Тя, Егоже ради и Дух Святый в мир прииде; покланяюся Твоей по плоти Пречистой Матери, таковей страшней тайне послужившей; восхваляю Твоя Ангельская ликостояния, яко воспеватели и служители Твоего величествия; уб-лажаю Предтечу Иоанна, Тебе

О, Всемилостивая Госпоже, Дево Владычице Богородице, Царица Небесная! Ты рождеством Своим спасла род человеческий от вечного мучительства диавола: ибо от Тебя родился Христос, Спаситель наш. Призри Своим милосердием и на сего (имя), лишенного милости Божией и благодати, исхода тайствуй Матерним Своим дерзновением и Твоими молитвами у Сына Твоего, Христа Бога нашего, дабы ниспослал благодать Свою свыше на сего погибающего. О, Преблагословенная!

О Пресвятая Владычице моя, Дево Богородице, Царице Небесе и земли, вонми вопиющей души моей и приими грешную мольбу мою, Пречистая Матерь Божия, за отца моего духовнаго, скорбящаго раба Твоего (имя). Буди ему всегда спутницей, и на всякое время сопровождай и ограждай его святыми Ангелами.

Богородице Дево, Пренепорочная Мати Христа Бога нашего, Заступнице рода христианскаго! Пред чудотворною иконою Твоею предстояше, отцы наши молиша Тя, да явиши покров Твой и заступление стране приамурстей. Темже и мы ныне молим Тя: град наш и страну сию от нахождения иноплеменных соблюди и от междоусобныя брани сохрани. Даруй мирови мир, земли плодов изобилие; сохрани во святыни пастырей наших, во святых храмех труждающихся: осени вседержавным покровом Твоим строителей и благотворителей их.

О Пречестная Владычице Богородице, Всечестная наша Мати Игумение, всех православных обителей иноческаго жития, во святей горе Афонстей и по всей вселенней сущих! Приими смиренныя моления наша и принеси яко Все щедрому Богу нашему, да спасет души наша Своею благодатию.

Некогда от шведов град Твой защитившая, о, Мати Божия, милосердие нам явила еси, праведный гнев и прещение Божие от земли Российския отвративши, и тако во области северстей Твоего всечестнаго лика образ прославила еси, видимыя слезы о прадедах наших, от супостат воюемых, изливающи. Таже здравие слепым и бесным от сея коны многажди подавала еси, и предстательством Твоим мор на человеки бывший и язю на скоты пришедшую прекратила еси.

Что Тя наречем, о Благодатная Богомати Богоотроковице, Пренепорочная Марие? Киими песнопении возвеличим Тя, воз­величенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловече­ния Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося. О, чудо всех древних и новых чудес!

О Преславная Госпоже, Царице Небесе и земли, Дево Богородице! Пред честною иконою Твоею ныне припадающе, умиленным сердцем вопием Тебе малое моление сие наше, яко раби неключими есмы, осуждение прияти имущии, но Твоим всемощным ходатайством Судии умилостивления чающии.

О, Пресвятая Дево, Мати Господа вышних Сил, небеси и земли Царице, града и страны нашея всемощная Заступнице!

О святыя новомученицы Российская, святая великая княгине Елисавето, скончавшая царственный путь твой с Варварою, о Господе сестрою твоею крестовою, Евангельския заповеди делом во обители Милосердия совершившия, веры ради Православная подвизаяся до смерти в последняя времена сия, и добрый плод в терпении страстей Христу принесшия.

О преблаженнии угодницы Божии, вси святии, предстоя­щии Престолу Пресвятыя Трои­цы и наслаждающиися неизреченнаго блаженства! Се ныне, в день общаго вашего торжества, милостивно призрите на нас, меньших братий ваших, прино­сящих вам сие хвалебное пение и ходатайством вашим прося­щих милости и отпущения грехов у Преблагаго Господа: вемы бо, воистинну вемы, яко вся, елика восхощете, испросити у Него можете.

Слава Тебе Господи, Иисусе Христе, Боже мой, яко паки сподобил мя еси недостойнаго, прешедши поприще святаго поста, поклонитися Божественным страстем Твоим и видети всерадостный день преславнаго из гроба Воскресения Твоего, в онь же свободил еси сущыя во аде от век связанныя души праведных.

Видео молитвы:
Embedded thumbnail for Молитва ко Господу Воскресшему

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неисчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, недостойный и неблагодарный, доселе скверными моими делы попирах и ни во чтоже вменях.

Угодниче Божий, (имярек)! Поминай нас в благоприятных твоих молитвах пред Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь.

Святый великий и преславный архипастырю и отче нaш Михаиле, страны Русския первопрестольниче и просветителю, всех же племен христианских благонадежный пред Богом ходатаю, тебе припадающе молимся: помози нам быти твоея к Богу любве подражателем, ею же в земнем животе твоем преисполнен был еси. Просвети умы и сердца наша светом Божественнаго учения. Научи нас тебе последовати верно и заповеди Господни усердно творити, да явимся чада твоя не именем токмо, но и всем житием, тако познаемся.

О святии угодницы Божии, мученицы Хрисанфе и Дарие! Подвигом добрым подвизався на земли, восприяли еси на Небесех венец правды, егоже уготовал есть Господь всем любящим Его. Темже взирающе на святый ваш образ, радуемся о преславнем скончании жительства вашего и чтем святую память вашу.

Святый мучениче Христов Василие, радости святых единовсельниче, нашех скорбей и печалей пременителю и всякого зла демонскаго губителю, припадая, моли ти ся: прииди в заступление мое, яко да очистится ум мой от деяния греховнаго, понеже лишаются за сие благодати Божия; не имея тверда основания к покаянию, даждь ми умиление душевное и слезы грехоомывательныя, воздеже руце твоя святыя за убогую мою душу ко Господу  Иисусу Христу, не остави мене грешнаго, ради моего невоздержания, укрепи мя, бедс

О святый угодниче Божий, мучениче Вите! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою.

О, страстотерпче святый мучениче Мино! Взирающе на икону твою и поминающе цельбы, тобою подаваемые всем, с верою и благоговеинством к тебе притекающих, припадаем ти и, преклонше колена сердец наших, от всея души нашея молим тя, буди нам ходатай пред Господом и Спасом нашим Иисусом Христом о немощех наших, сопутствуй и утешай нас во время скорбей наших, даруя нам память о гресех наших, помогай в напастех и треволнениях мира сего, и во всех бедах, в сей юдоли плачевней нас постигающих.

Господи Иисусе Христе, Боже наш, благо¬слови нам пищу и питие молитвами Пречистыя Твоея Матери и всех святых Твоих, яко благословен еси во веки. Аминь.

И перекрести пищу и питие.

Господи Иисусе Христе Боже наш, от пяти хлебов и двою рыбу, пять тысящ насытивый, и от избытков множество укрухов собрати устроивый: Сам, Владыко всесильный, и предлежащыя мрежи благослови, молитвами преблагословенныя, славныя Владычицы нашея Богородицы и Приснодевы Марии, святаго славнаго и всехвальнаго Апостола и Первоверховнаго апостола Петра: и иже от них причащающыяся рыб, в мире и здравии душевном и телесном сохрани.

Когда кормишь или поишь скот, проси Божия благословения.

Владыко Вседержителю, Врачу душ и телес, смиряяй и возносяй, наказуяй и паки исцеляяй, брата нашего (имярек) немощствующа посети милостию Твоею, простри мышцу Твою исполнену исцеления и врачбы: и исцели его, возставляяй от одра и немощи, запрети духу немощи, остави от него всяку язву, всяку болезнь, всяку рану, всяку огневицу и трясавицу: и аще есть в нем согрешение, или беззаконие, ослаби, остави, прости Твоего ради человеколюбия.

Возвесилихся о рекших мне: в дом Господень пойдем. Аз же множеством милости Твоея, Господи, вниду в дом Твой, поклонюся ко храму святому Твоему в страсе Твоем, Господи, настави мя правдою Твоею, враг моих ради исправи пред Тобою путь мой: да без преткновения прославлю Едино Божество, Отца, и Сына, и Святаго Духа, и ныне и присно, и во веки веков. Аминь.

Боже Спасителю наш, изволивый под сень Закхееву внити и спасение тому и всему дому того бывый, Сам и ныне зде жити восхотевшия, и нами недостойными мольбы Тебе и моления приносящия, от всякаго вреда соблюди невредимы, благословляя тех зде жилище, и ненаветен тех живот сохраняяй. Аминь.

Господи Иисусе Христе, иже лозы сый истинная, и Отец Твой Делатель, Ты и Апостолы нарекл еси рождиями: Тако и ныне Владыко, прииди на лозу сию, и насади; даждь ей хранителя помощь твою, огради входы и исходы ея, от града, снега, мраза, от грозный зимы, и ветров сожжения, видимых же и невидимых врагов.

Боже Великий, хвальный, и непостижимый, и неисповедимый, создавши человека рукою Твоею, персть взем от земли и Образом Твоим почтивый его, явися на рабе Твоем (имярек) и даждь ему сон упокоения, сон телесный здравия и спасения и живота, и крепость душевную и телесную: Сам убо Человеколюбче Царю, предстани и ныне наитием Святаго Твоего Духа, и посети раба Твоего (имярек), даруй ему здравие, крепость и благомощие, Твоею благостию: яко от Тебе есть всяко даяние благо, и всяк дар совершенен.

Господи Боже наш, в начале создания Твоего сотворивый небо и землю: и небо убо украсивый великими светилы, еже просвещати на земли и чудитися теми Тебе единому Содетелю и Владыце твари: землю же украсивый злаком и травою и различием семен, сеемых по роду, и всю, цветы покрыв в благоукрашение, благословил еси ю: Сам и ныне, Владыко призри от святаго жилища Твоего на стяжение сие и благослови е: сохрани е неврежденно от всякаго чарования и обаяния и всякаго зла, оплазнства же лукаваго и коварст

Боже великоименитый, творяй чудеса, имже несть числа!

Создателю и Содетелю человеческаго рода, Дателю благодати духовныя, Подателю вечнаго спасения, Сам, Господи, посли Духа Твоего Святаго с вышним благословением на вещь сию, яко да вооружена силою небеснаго заступления хотящим ю употребляти, помощна будет к телесному спасению и заступлению и помощи, о Христе Иисусе Господе нашем. Аминь.

И кропят вещь святой водой трижды.

Господи Боже мой, да будет дар Твой святый и святая Твоя вода во оставление грехов моих, в просвещение ума моего, в укрепление душевных и телесных сил моих, во здравие души и тела моего, в покорение страстей и немощей моих по безпредельному милосердию Твоему молитвами Пречистыя Твоея Матери и всех святых Твоих. Аминь.

Господу, помолимся. Господи, помилуй.

И даждь нам, Владыко Господи, на сон грядущим, покой тела и души и сохрани нас от мрачного сна греховнаго и от всякаго темнаго и нощнаго сладострастия. Укроти стремления страстей, угаси разжженыя стрелы лукаваго, яже на ны льстивно движимыя. Плоти нашея восстания утоли и всякое земное и вещественное наше мудрование успи. И даруй нам, Боже, бодр ум, целомудр помысел, сердце трезвящееся, сон легок и всякаго сатанинина мечтания изменен.

Страницы